Ərdoğan çı Muhəməd bin Səlmani sıxənonku tənğidış kardə.

Bə motədilə islami tərəf hərəkət karde barədə Tırkiyə prezident çı Ərəbistoni krali caneşin Muhəməd bin Səlmani sıxənonku tənğidış kardə.

Bə Anadoli aqentiyəti raporti əsos Rəcəb Təyyeb Ərdoğan zinə motədilə islami barde bə Muhəməd bin Səlmani sıxənon reaksiya nışoş do ijən votışe: motədilə islami barde sıxənon rişə bə ğərb aide.

Tırkiyə prezident islam dini bə motədil iyən ğeyri motədil təğsim karde qıləy səhvə siyasət hisobış kardə ijən təkidış ka: hiç kəs karde ni bəzne islamədə çand curnə əğidəon iyən formaon icod bıkə ijən jıqonə sıxənon bə islami nisbət doe ğələte.

Tojədən Ərəbistoni krali caneşin Muhəməd bin Səlman Ərəbistonədə votəş be: əmə bə həmmə mədəniyəton ğəbul əkə motədilə din islami obəqarde vəy bəşemon.

Çı Rəcəb Təyyeb Ərdoğani reaksiya qıləy şərayetədə bəyon bedə ki çı Ərəbistoni kral Məlik Səlman çimiku bə nav Muhəməd bin Səlmani bəştə bə caneşini onvan vıjniyəş be.