Tırkiyə çı Avropa i bemoni 2 dimə standardonku tənğidış kardə.

De terrorizm və radikaliyə qrupon mubarizə barde xoto Tırkiyə çı Avropa i bemoni çand curnə siyasətonku tənğidış kardə.

Bə Ankaraku rəsə xəbəon əsosi Tırkiyə kabinetədə bıə Avropa i bemoni mıvzoon vəzir Omər Çelik qıləy xəbəiyə iclosdə votışe: de həmmə terroristiyə qrupon mubarizə barde xoto Avropa i bemoni komək və həmkarion kamilən bərobər və rozi əkə ni.

Çelik əlovəş kardə: Avropa i bemon bə Fəthullah Qulən vabəstə bıə qruponış çı terroristiyə qrupon siyahədə ğeydış kardə ni və ım çəvon zəifətiku əlomət dore.

Tırkiyə kabinetədə bıə Avropa i bemoni mıvzoon vəzir ijən Avropa tərəfo bə Tırkiyədə bıə Suriyə avarəon puliyə koməkon nıdoe xoto Avropa təşkilati siyasətonku tənğidış kardə.

Çelik votışe: Tırkiyə vindemoniku i bıə milləton təşkilatədə Tırkiyə uzviyəti prossesi dumo kardero hiç foydəş ni və koon bə nəticə ni bərəsiye.

1960-nə soriku Tırkiyə çı Avropa i bemonədə uzv bey xoto cəhd kardedə.