Azərbaycan Respublika sərhəd xidməti rəis de qeneral mayor Bağıri vindemonış kardə.

Çı Azərbaycan Respublika sərhəd xidməti rəis de İroni həmmə hərbiyə ğıvvon mərkəziyə ğərorqoh fərmondə qeneral mayor Bağıri vindemon karde cərəyonədə 2 qılə kişvəri miyono hərbi, əmniyyəti və intizamiyə mıvzoon barde çoknə həmkarion ziyod karde xoto sohbətış kardə.

Qeneral mayor Bağıri ım mıloğatdə təkidış kardə: İron və Azərbaycan Respublika miyono bo hərbi, mudafiə iyən əmniyyətiyə əloğəonro vey zəminəon heste ki bəbe bo əmniyyət iyən mıştərəkə mənafe təmin kardero çəvonku istifodə kəmon.

İroni həmmə hərbiyə ğıvvon mərkəziyə ğərorqo fərmondə ijən votışe: məntəğə kişvəron bəbe de huşin mande çı xarıci kişvəron plan və hilləonku oşno bıbun ijən bo təfrəğə iyən ixtilafon məhv kardero çı məntəğəku bə kəno kişvəron mıdoxiləon məğlub bıkun.

Azərbaycan Respublika sərhəd xidməti rəis Elçin Ğuliyev həm çı sərhəddon əmniyyəti kontrol karde barde qıləy raporti elanış kardə ijən votışe: vey çokə votımon və əloğəon sayədə İron və Azərbaycan Respublika sərhəddonədə hiç problemi ni.