Ğəfğaz mısılmonə ruhanion idarə bə Trampi ğərol etırozış kardə.
Bə Beytulmığəddəsi bənə siyonist rejimi paytəxt elan karde ijən Amerkə prezident Donald Tramp etıroz kardero Ğəfğaz mısılmonə ruhanion idarə qıləy bəyoniyə sadirış kardə.
Im bəyoniyədə elan be: Trampi tojə ğərol miyonə şərğədə daveon iyən bohranon bois bedə ijən bo sulh və əmniyyəti bərğərol kardero qıləy yolə mane.
Ğəfğaz mısılmonə idarə bəyaniyədə ğeyd be bə Fələstin milləti həxon ehtırom kardero çı Əmniyyət Şura 1967 nə ğətnomə bəbe kamiləm icra bıbu.
Zinə ruji bəyoniyədə siyasiyə hədəfon jentonədə Ğudsi barədə ğərol ğeyri ğabel ğəbul hisob bıə ijən təsdiğ bıə: jıqonə ğərolon nı ın ki mısılmonon həx bəlkəm ğeyri mısılmonon huğuği ləğv karde muğəddəməyə.
Çı Ğəfğaz mısılmonə ruhanion bəyoniyə dəvomədə dınyo sulh və stabilə vəziyəti təmin kardero çokə siyasəton tələb be ijən ğeyd bıə: xətərnokə cərəyanon tərəfo jıqo dini və məzhəbiyə daveon icod karde islam və fobiya siyasət, terroristiyə hərəkəton və radikaliyə koon cəmaəti norohtəti və niqərani bois bıə.