Ğasımi:İron həmmişə fələstinı milləti həxiku mıdofiyə kardeyu fəaliyyətış kardə.

İroni xarici koon vəzorətxonə sıxanəvoti votışe:İron İslam Respublika fələstinı milləti həxiku mıdofiyə kardeyu diplamatikə ğanoniyə roonku bəhrə bardeyu cəht kardedə.

İroni xariciyə koon vəzorətxonə sıxanəvot Bəhram Ğasımi zinə daxili və xariciyə jurnaliston huzurədə ironi beynəlxalğə jurnalisti suali cəvobədə ki Amerkə prezidenti hərəkət  ki ğudsış bənə sionist rejimi paytəxt zınəş be  islam dınyo vəhdət və ım hərəkəti məhkum karde cəhətdə votışe: İron Donald Trampı ğeyre ğanoniyə əməli vədə de mıxtəlif roon fəaliyyət bəkay.

ironi diplamatikə təşkilati sıxanəvoti əlavəş karde İron İslam Respublika həmmişə bənə ğudsı məsələ muhimmə muvzo ve diğğət dodə və dəvardə rujonədə İstanbol şəhrədə islamiyə həmkarəti təşkilati tojə iclosədə həm Tehron ıştə siyasətonış elan karde.

Ğasımi ğudsı barədə bə trampı ğəroli zid İ bə milləton təşkilati sədo doe barədə həm votışe: ə şərayet ki İ bə milləton təşkilatdə bəy şohid bimon  şərifə ğudsı barədə Amerkə coili mande be və Amerkə devləti məsul şəxson bəpe bıznon ki de ım metodi nibəznen ıştə siyasəton bə nav barde.

Ğasımi omə rujonədə Fransə presidenti bə İron səfər karde barədə votışe:Makronı səfər  2 qılə məmləkəti bərnamədə heste və hələ çəyro qıləy tarix təin bə ni.

Ğasımi eyne holədə ıştə sıxanon dəvomədə elanış karde İron və Fransə miyonədə şe ome karde iyən diplamatikə əlağonədə heç qıləy şərt noə bə ni və 2 qılə məmləkəti əlağon çokə şərayetəndəy.