Ruhani: Amerkə həxış ni bo İroni milləti dıləsutəti bıko

İron İslom Respublikə prezident təkidış ka Amerkə prezident ki, çandə manq çimiku bə nav bə ironi millətış terrorist nomış no həxış ni bo İroni millətiyo dıləsutəti bıko

Həsən Runi işanbə ruji heyəti iclosədə, İroni mıxtəlif vıranədə bə kali etrozon işarəş ka və votışe:

İroni milləti bə kanest tusiyə əsos və şəhrvandəti həxon ıştə tənğidon və həta etrozon bəyon kardeədə ozodin.

İroni prezident təkidış ka: məsulə təşkilaton bəpe bo milləti etıroz və tənqid hətta ğanoni mitinqiyo şərayet icod bıkən.

əmmo eyne holədə bəpe qıləy fəzo icod nıbo ki, bo İslomiyə İnqilobi piyə kəson və millətiyo çəvon əmniyət və jimoni barədə niqərani bə vocod bo.

Ruhani bə İslomiyə İroni ələyh dışmenon hiləon bəyon karde votışe:

İroni millət kişvər, məntəğə və dınyo həsasə şərayeti zınedən və bə ıştə mili məsləhəton ğərul bəqəten.