Fəlahətpişə: məntəğədə Amerkə silohinə mısobiğəon atmosferi icodış kardə.

İroni islamiyə şura xarıci siyasət və milli əmniyyət kamissiya uzv votışe: Amerkə məntəğədə silohinə rəğabəti soxte fikədəy ta Ərəbistoni nat və puliku istifodə bıkə.

İroni islamiyə şura xarıci siyasət və milli əmniyyət kamissiya uzv Heşmətullah Fəlahətpişə bə Amerkə və Ərəbistoni miyono ətomiyə tojə mığoviləon barədə tojə muğəddəsə sohbəton iyən muzakirəon işorəş kardə və votışe: Amerkə çı Ərəbistoni pul və natiku istifodə karde məğsədış heste.

Fəlahətpişə votışe: Amerkə prezident Donald Tramp fəğət ıştə kişvəri xərcon təmin kardero ətomiyə təvafuği fikədəy və əqə ım texnoloqiya Ərəbistoni ixtiyorədə bıbu 100 faiz omə zəmonədə bəbe məntəğədə vey yolə əmniyyətiyə bohranon intizorədə bıbəmon.

İroni parlamenti ım depat təkidış kardə: ısətnə əsri vey yolə dəheştinə cinoyətkorə ideoloqiyaon Ərəbistoni ixtiyorədəy və Amerkə de ğanuni əslon lenqi jiədə noe de Ərəbiston bə i co hərəkət kardə.

Xəbə omə ki qıləy Amerkə vıjə heyət de Amerkə enerji vəziri bə i co ətomiyə muzakirəon xoto ım haftə de Səudi Ərəbistoni qıləy heyət vindımon karde bə London səfər bəkay.