De şiəyon 9-nə İmomi moəku bıə ruji mınosibəti təbrik.

Imruj Hicri Ğəməri 1439-nə sori Rəcəbə manqi 10, Miladi 2018-nə sori Martə manqi 28 ijən şiəyon 9-nə İmom Həzrəte İmom Muhəmməd Təğı(ə)-i milad ruji sorəqardışe.

Həzrəte İmom Muhəmməd Təğı(ə) Hicri Ğəməri 10-nə sori Mədinədə bə dınyo omə iyən ıştə qiromiyə pıə(şiəyon 8-nə İmom) Həzrəti Rıza(ə)-i şəhodəti bəpeştə mıslmonə cəmaəti rəhbərəti kooş bəştə ohdəş ğəte.

Həzrəte İmom Muhəmməd Təğı(ə)-i ləğəb Cəvadul Əimmə be.

İmom Rıza(ə) ıştə qiramiyə zoə Həzrəte Cəvad(ə)-i məğom iyən mənziləti barədə hamyəşone: az qıləy zoə xıvand bim ki bənə Mosə(ə) elmi dıyoon poəkəy.

İmom Cəvad(ə) 8 sorəti sinniku de tosə 17 sori mıddət çı iştimoiyəti rəhbər iyən lider be, yəni nocıvonəti de tosə cıvonəti faxti ə Həzrəti İmoməti dıvran be.

Şiəyon 9-nə İmomi viloyət iyən imoməti dıvrədə vey islomi və ğəyri islomiyə firğəon pesoxtə bıən iyən co milləton miono elm və texnikon vey bə inkişof rəsən çumçiku Həzrəte İmom Muhəmməd Təğı(ə) həm bə elmi və itiğotiyə mıbohisəon varid be ijən bə İmoməti məğomi mıhofizə kardeyro çandə deştə İlahiyə elmi əsos ım iclosonədə ıştirok əki.

De Nəvuzə İdi iyən dınyo şiəyon 9-nə İmomi moəku bıə əyyami həmzəman zinə şəviku İroni həmməy şəhron və dionədə bıə məçidon, huseyniyəon iyən məzhəbi vırəonədə məxsus mərasimon bino bıə ijən ımruj həm dəvomış heste.

İmom Cəvad(ə)-i dədə İmom Rıza(ə), və qiromiyə bibi Həzrəti Xanım Məsumə(s) pokə hərəmon yəni Məşhəd iyən Ğomədə həm Əhli-Beyt(ə) aşğon de şini paybaxşəti ijən muxtəlif mərasimonədə ıştirok karde şiəyon 9-nə İmomi milad ruji sorqadışi bə yande təbrik votedən.

İron Tolışi Rədio tərəfiku ım mınosibəti bəşımə təbrik ərz kardıdəmon.