De Həzrəte Zeynəb(s) vəfoti sorqardımoni mınosibəti səbəsəlomətəti.

İslamiyə İron çı Həzrəte Xanım Zeynəb(s) vəfot karde sorqardımonədə zinə şəviku ğəm və matəmədəy.

Imruj hicri ğəməri 1439-ə sori Rəcəbə manqi 15 miladi 2018 minnə sori Apreli 2 islami əzizə Peyğəmbəri nəvə və Həzrəte Fatimə(s) iyən şiəyon 1 minnə İmom Həzrəte Əli(ə) əzizə kinə, Zeynəbe Kubra(s) vəfoti sorqardımone.

Həzrəte Zeynəb(s) ıştə bıvə yaəni dınyo şiəyon 3 minnə İmom Həzrəte İmom Huseyn(ə) kənoədə de mıtəhəccir iyən inhirofiyə cərəyanoni mubarizəş kardə ki məsələn bə islomiku mudafiyə karde bəhonə Kərbəloədə yolə faciəşon bə vıcud vardən.

Xanım Həzrəte Zeynəb(s) ıştə əzizə bıvə Əba Əbdellah(ə) və çəy bəfodorə yaron şəhodəti bəpeştə de Əhle-Beyte İsmət və Təharət(ə)-i co uzvon bahəm əsir bıən əmmo həminə əsorətədə dıştə hərorətin və məntiğiyə xutbəon çı Bəni-Uməyyə fəsotinə mahiyyəti oşkoş karde.

Həğiğət ıme ki Kufə iyən Şamədə bə Yəzide məluni zidd Xanım Həzrəte Zeynəb(s) bəsirətinə xutbəon de tosə ısət çı İmom Husey(ə)-i xuninə ğiyami hədəf iyən fəlsəfə əbədi bey bois bıə.

Həzrəte Zeynəb(s) hicri ğəməri 63-nə sorədə vəfotış karde.

ironi Tolışi Rədio tərəfo Bəni Haşımi Əğilə ya ağılmandə jen Xanım Həzrəte Zeynəb(s) vəfot karde sorqardışi bə həmmə mıslmonon məxsosən Tolışə dindaron səbəsəloməti ərz kardedəmon.