İslami inğilabi yolə rəhbər:əmə qıləy yolə canqi meydoni miyonədəmon.

İslami İnğilabi yolə rəhbəri islamiyə respublika nizomi vədə bıə cəhbə yol və nığılə canqi işarəş karde və votışe:əmə yolə canqi meydoni miyonədə ğərorımon qətə ki çəy 1 tərəf islamiyə respublika nizome və çəy ə tərəf deşmenonku qıləy yol və zumandə cəhbəy.

İslami İnğilabi yolə rəhbəri Həzrət Ayətulla Xamenei zinə sıb ironi vəziron məsul şəxson və kəşfiyat vəzorətxonə koəkon qıləy cəmi vindımonədə navədə bə tərəfi cəsusiyə mərkəzonış ım dim bə dim be əsosə dəlilış zınə və votışe:navədə bə cəhbə cəsusiyə təşkilaton həmmə imkanon kənoədə desbə ısət zınəşon ni heç qıləy muhimmə ğələt karde.

Həzrət Ayətullah Xamenei işarəş karde əlbətdə əqər ım canqədə bə ğəflət dıço bıbəmon məğlub bəbemon və əqər nığıl fik nıkəmon de zərbə dim bə dim bəbemon.

İslami inğilabi yolə rəhbəri bə mırəkəbə kəşfiyat canqi mıxtəlif cəhəton işarəş karde və votışe:bı canqədə mıxtəlif metodon və roonku mincumlə nufuz və məlumat dızdiye iyən bə ğərol oməkəson hisob-kitobon arə dəşe iyən milləti bovəon əvəz karde  və mali iyən ixtisadiyə problemon icod karde və əmniyəti hərcı-mərc şərayeton icod karde çəvon nəzədəy.

Həzrət Ayətullah Xamenei valiyota vıjorədə bə tojə təşkil bə məsəlon işarəş karde və ıştə sıxanon dəvomədə votışe:vaxti ım məsəlonədə ve diğğət bedə əcnəbion və çəvon cəsusiyə təşkilaton lınqərizə mışohidə bedə.

İslami inğilabi yolə rəhbəri votışe:bəpe ım canq və navədə bə cəhbə bərnaməon vədə mande və bə deşmen ğələbə pəydo kardeyu mıdofiyəku əlavə bəpe hucum karde bərnamə həm bıbo jəqo ki ım hənəki zəmin çəmə kəşfiyat təşkilati tərəfo təin bıbo.

Həzrət ayətullah Xamenei bə kəşfiyat vəzorətxonə inğilabiyə hərəkəton zərurəti iyən 100 faiz çı təşkilati inğilabi mande barədə işarəş karde və blandə vaxtonro bərnamə iyən omə rujon hadison hison-kiton karde və çəvon məlumaton  dəğiğə holətədə təhlil kardeş navədə bıə cəhbə planonədə mubarizə bardeyu kəşfiyat təşkilati roonku qıleni hisobış varde.