De Həzrəte imom Huseyn(ə)-i milad iyən İronədə pasdaron(mıhofizon) ruji mınosibəti təbrik.

De Şiəyon 3-nə İmom iyən dınyo şəhidon əğə Həzrəte İmom Huseyn(ə)-i milad sorqardımoni mınosibəti zinə şəviku İslamiyə İronədə şoə mərasimon bino bıə.

Imruj cumə, miladi 2018 minnə sori Apreli 20, hicri ğəməri 1439-ə sori Şəbanə manqi 3 dınyo şiəyon 3 minnə İmom Həzrəte İmom Huseyn(ə) moəku bıə ruji sorqardımone; İroni təğvimədə imruj çı pasdaron ruj ğeyd bıə.

Şəbanə manqi 3 minnə ruj islam iyən Həzrət Muhəmməd(s) şəriəti yolə əzizə pasdari mubarəkə sorqardımone ki kərbəlo əzəmətinə məydonədə dıştə stajış nıbıə fidokarəti bə aləmi ozodəti iyən ğəyrət dərsış do; yolə şəxsiyyəti ki bə Kərimə Ğıron iyən əzizə İslamiku mudafiyə kardero vey aliyə nımonə və simvol bıə.

İronıjon de şəban bərəkətinə manqi idon həmzəman zinə şəviku muxtəlif şəhron iyən məntəğonədə bıə məçidon, huseyniyəon, imomzodəon iyən dini vırəonədə məxsus mərasimonədə binoşon kardən bə iştirok və şoyvonəti karde.

Məşhədədə Şiəyon 8-nə İmom Həzrəte Rıza(ə) ijən Ğomədə bıə Həzrəte Xanım Məsumə(s) pokə hərəmonku həm xəbə omə ki mısılmonon de şini paybaxşəti ijən muxtəlif mərasimonədə ıştirok karde şiəyon 3-nə İmom Həzrəte İmom Huseyn(ə)-i milad sorqardımoni mınosibəti bə yande təbrik votedən.

İroni İslamiyə Respublika təsisəkə mərhum İmom Xomeyni çı Həzrəte İmom Huseyn(ə) milad rujış pasdaron ruji vıjnişe ta şiəyon 3 minnə İmomi izzət, ozodəti iyən bəsirət heju əçəy şiəyon məxsusən islamiyə inğilabi pasdaron rəftor iyən jimoni olqo və usvə bıbu.

İslamiyə İnğilobi Sepahe Pasdaran ironi islamiyə inğilab iyən bə İslamiyə Respublika nizomi mudafiyə kardero bənə qıləy təsirinə silahinə ğıvvə çı İroni milləti yolə fəxre ki həmmişə tarixədə vavriski dodə.

İroni tolışi rədyo tərəfo ım mubarəkə ruji bə həmmə mıslmonon məxsusən tolışə həmzıvonon iyən dınyoədə ozodtələbon təbrik ərz kardıdəmon.