Zərif:xaricion bə arə dəşe suriyədə bə sulhi mane bedə.

İron İslam Respublika xarici koon vəzir zinə broselədə Avropa itifaği 2 minnə konfransədə votışe:xaricion bə arə dəşe suriyədə bə sulhi das pəydo kardeş bə domo eğandə.

Muhəmməd Cəvad Zərif suriyədə əsosə məsələş otəşbasti bərğəror kardeş zınə və votışe:İron bərobər de Rusiyə və Tırkiyə bənə Astanə muzakiron qarant əkə məmləkəton unvanədə suriyədə canq nıbə məntəğon ve kardeyu bə fəaliyətin.

Astanə muzakiron 2017 minnə sori yanvarə manqi de ironi məsləhət və Rusiyə iyən Tırkiyə həmkarəti suriyədə sulhi bərğəror kardeyu təşkil bə.çı muzakiron əsosə nəticə suriyədə oromə məntəğəon icod karde bə.

İroni xarici koon vəziri əlavəş karde ım muvzo bə ım fiki əsosi təşkil be ki Suriyə bıhron fəğət de siyasiyə ro və qıləy həğiği iyən hevojə siyasiyə bərnamon əsosədə de suriyə milləti rəhbərəti və extiyor və kamilə sorətədə bə Suriyə hakimiyət ərazi təmamiyət iyən istiğlal həl bənine.