Zərif bə Moskva səfərış kardə.

İron, Rusiyə və Tırkiyə 3 tərəfiyə iclosədə iştirok kardero İroni xarıci vəzir Muhəmməd Cəvad Zərif bə Rusiyə səfərış kardə.

Bə İroni xarıci vəzarətxanə raporti əsos, Rusiyə, Tırkiyə və İroni xarıci vəziron çımiku bə nav həm çand kərə Suriyə barədə 3 tərəfiyə iclosi dəvoniyəşon bıən.

Martə manqi 16 həm Ğəzaxıstani paytəxt Astanədə 3 qılə kişvəri qıləy icloson həminə mıvzo barədə bərpo bıə be.

İron bənə məntəğə vey muhimmə kişvəron hejo Miyonə Şərği bohranon əcumlə Suriyə bohrani siyasi royku həl karde tələb kardə bə çəy xoto Astanə nomo bıə muzakirəon dəvardə soriku de İroni təklif və Rusiyə iyən Tırkiyə həmkarion ijən Suriyədə sulhi bərpo karde xoto bino bıə.

Isət 7 sore ki bə Ərəbiston iyən Amerkə vabəstə bıə terroriston siyonist rejimi əmniyyəti təmin kardero Suriyədə canqi bino kardəşone.