De Həzrəte Məhdi(əc) milad ruji sorqardışi mınosıbəti təbrik.

Imruj Hicri Ğəməri 1439-nə sori Şəbanə manqi 15 bərobər de Miladi 2018-nə sori Mayə manqi 2 ijən de dınyo şiəyon 12 minə imom, Həzrəte Məhdi(əc) mıborəkə milad ruji sorqardışe.

Həzrəte Məhdi(əc) Hicri Ğəməri 255-nə sori yolə Şəbanə manqi 15-nə ruji sıbi faxti, bə dınyo omən.

Çı İmom Zəman(əc)-i yolə pıə, 11 minə yolə lider Həzərte İmom Həsən Əskəri(ə) iyən Həzrəti qeramiyə moə Xanım Nərcis bıən.

Həzrəte Məhdi(əc) ğeybət 2 dıvrədə ğeyd bıə: I qılə kırtə mıddət(ğeybəte suğra) və co qılə dırozmıddətin(ğeybəte kubra) heste.

İ-nə ğəybət movardə vaxtiku ta xısusi səlohiyətinə nayibon əsri oxo idoməş be iyən 2-nə ğəybət de i minə dıvrə bə oxo rəse bino bıə ijən ta zuhuri vaxt və ə Həzrəti ğiyomi zəmon dəvomış heste.

İroni milləti Həzrəte Məhdi(əc) mevlud ruji və şəviku de mığəddəsə vıronədə huzuri şoə mərasimonədə iştirok kardən və ıştə irodəti bə İmom Əsr(əc) nışo dodən.

Şini və şərbət paybaxş karde iyən məddohəti mərosim bərpo karde əcumlə İroni mısılmonə milləti muhimmə bərnoməon heste ki Həzrəte Məhdi(əc) mevlud ruji və şəvədə bərpo bıə.

Ğom və Məşhəd mığğəddəsə şəhronədə həm zinə şəviku şoyvonəti karde iyən məxsus mərasimon de velayəti aşiğon iştiroki iyən idə məclesi bərpo karde, şərbət doe və şini paybaxş karde bino bıə ijən cəmaət ıştə eşğ və irodəti bə İmom Əsr(əc) nışo doe holədən.

Tolışi Rədio tərəfiku bəşəriyəti yeqanə xılosəkə Həzrəte Məhdi(əc) mevlud ruji, bə həmmə mısılmonon və həmmə ozodpərvəron təbrik ərz kardedəmon.