Nobəxt:Atom təvafuğiku Amerkə xaric be şərayetiyu iron hozzı vəziyətdəy.
Devləti sıxanəvot və ironi prezidenti muavin votışe:İron İslam Respublika atom təvafuğiku Amerkə xaric be bəpeştə təşkil bə şərayetiyu kamilən hozzıy.
Bə İRNA xəbon əsosi devləti sıxanəvot və ironi prezidenti muavin Muhəmməd Bağır Nobəxt zinə Qilan ostani Ənzəli şəhrədə jurnaliston cəmədə bə ım məsələ ki mumkine Amerkə atom təvafuğiku xaric bıbo işarəş karde və ıştə sıxanon dəvomədə votışe: lozim bə tədbiron və budcəon atom təvafuğiku Amerkə xaric be bəpeştə vəziyyəti əvəz kardeyu nəzədə qətə bə.
ironi atom təvafuğ de 5+1 qrupi 2016 minnə sori yanvarə manqiku icra bə əmmo Amerkə devlət bənə çı qrupi uzvonku qıleni atom təvafuği icraədə bəd əhdi kardə.
Amerkə president Donald Tramp atom təvafuği əvəz karde domoədəy və elanış kardə əqər ım əvəzon təşkil nıbon Amerkə çı təvafuğiku xaric bəbe.
