Ruhani: ətomiyə təvafuğ, çı İroni yolə milləti diplomatiyə zumandəti məzhəre.

İron prezident votışe: ətomiyə təvafuğ bənə i qılə beynəl xalğiyə ğərordod, çı İroni yolə milləti diplomatiyə zumandəti məzhəre ijən əvəz nibəbe.

İroni prezident Həsən Ruhani İroni şimal şərğ, Xorasan Rəzəvi ostani, Neyşabur milləti əzəmətinə cəmədə əlovəş kardə: əvon ki fik kərdən de təziğon və təhdidon ironi yolə milləti təslim karde bəznın, səhv kardən.

Ruhani de ım sıxəni ijən bəyon karde ki İroni çand kərə bə dınyo elanış kardə ətomiyə silohon dumoədə nıbe və nibəbe təsdiğış kardə: əqə İron ətomiyə siloh nibəsoxte, bə çəy xotoe ki İslam sofə dini əhkomon və dini Rəhbərəti iyən filosofon fitfo jeqoe, nə ım ki istemariyə kişvəron təziğ varde ya fişaron xoto.

İroni prezident votışe: İron ətomiyə elmonku sulhpərvər roonədə bıə bənə bərğ, səhiyə, kaştevonəti və mıolicə sahədə istifodə kardəy, və dınyo iyən məntəğə təhdid karde dumo ni çən istemoriyə kişvəron həm bızonon ki İroni yolə milləti təhdid karde nibəznın boçi ki İroni millət 8 sor muğəddəsə mıdofiədə muğavimətış kardə.

Ruhani votışe: mığoviməti ro və milli zumandəti sahədə ijən tərəğği və inkişofi məydonədə İroni millət dast bə dast doəşone mıttəhid bıən və ım ro idomə bədon.

İroni prezident islam, din və inğilobi çı milləti əzobi tələbəkə din zınəş nıbe, iyən təsdiğış kardə: dine islam çı məntıği din hete və bəbe həmmə komək bıkən ki ım kişvəri tərəğği və obodi roədə hərəkət kəmon.

Ruhani həmçınin bə im nuktə işorəş kardə ki İron fulo bə dınyo iyən Avropa ixrocəkə vey məşhurə kişvəronku qıləyniye ələvəş kardə: Xorasani Neyşaburədə fulo mərkəzi iftitoh karde nışo dodə ki ım ostan çı kişvəri sənoyəti ğutbiro vey zərfiyəti soybe.

İroni prezident və çand qılə çı dıvlət kabineti uzvon, zinə Xoraxan varid bıən.

41 qılə iğtisodi və obodəkə planon de İroni prezident və kabineti uzvon huzuri ım səfərədə bino iyən iftitoh bıə.