Zərif:Kanada ironi vədə səhvə təsəvvuronış heste.
İron İslam Respublika xarici koon vəzir bə ironi zid Kanada nımayəndon məclisi tərəfo imza bə plani barədə votışe:de təəssıfi Kanada məmləkətdə İron İslam Respublika vədə səhvə təsəvvuron hestin və ısət həm mışahidə bedə.
Kanada nımayəndon məclis 3 şanbə ruji qıləy plani bə imza rosneədə de İron siyasiyə əlağon bərğəror kardeyu çı məmləkəti devlətiyu har qılə muzakirəş ğədəğən karde.
Muhəmməd Cəvad Zərif zinə şanqo Cənubi Afrika Portoriya aeroportədə jurnaliston cəmədə votışe:hər çənd Kanada devlət əvəz bə və ım devlət coqlə nəzəronədə bə meydon beşə siyasiyə təziqon radikalə qrupon tərəfo dəvomış heste.
ironi xarici koon vəziri votışe:ım siyasəton bə Kanada zərər bəbe və beynəlxalğə sulh və əmniyəti hifz karde cəhətdə ni və ıştə sıxanon dəvomədə əlavəş karde ğərbiyə məmləkəton İron İslam Respublika vədə de mıstəğilə siyasəton bə ğərol bon.