Qeneral Səlami: bə İron zərbə varid kardero deşmoni hiç zərfiyətış ni.

İroni sepah təşkilati fərmondə caneşin təkidış karde: deşmon oqıniyə və rə məhv bəbe.

Qeneral Husseyn Səlami bə İron zərbə varid kardero deşmənon dılədə canqi bino kardeku tarsi illət çı İroni ğudrət zınəş be və votışe: həmmə stratejik amilon İroni ixtiyorədə heste və deşmən kamilən oğoe ki de İron canq karde beynəl xalğiyə buedonış bəbe və dınyoədə ğudrəti ğotbon əvəz bəkay.

Qeneral Səlami məntəğədə İroni nıfuzi mənoy cəhətiku sabit bıə huzur zınəş be və əv təsdiğış karde: Amerkə 7 həzo milyard dolar Suriyə və İrağədə be foydə xərcış kardə və Amerkə prezidenti etırof ki ım xərcku mənafe aid bə ni nışo doyə ki məntəğə təhəvolatonədə İron bə səbarzəti rəsə.

Əv ijən votışe: islamiyə mığovimət, sionist rejimi sərhədədə bə vıcud omə ki ğərb və Amerkə ım islamiyə ğudrəti vədə ociz mandən.

İroni sepah təşkilati fərmondə caneşin təsdiğış kardeşe: mığovimət bo islam və İroniro umməti icod əkə və sionist rejimi hədəfon məğlubiyəti amile.