İroni sepah təşkilat notaş do: dınyo bo terroriston əmn ni.

İroni sepah təşkilati zəmini ğıvvon ğərorqoh qıləy bəyoniyə vositə bə anti inğilab və terrorçiyə qrupon xəbə dorətiş do ki ijən dınyo hiç qılə məntəğə və vırəon bəvonro əmn ni.

Bə İrib raporti əsos ım bəyoniyə dəvomədə ğeyd bıə: Piranşəhri sərhədədə qıləy terroristiyə qrupi nıfuzi bəpeştə İroni sərhədiyə ğıvvon zinə sıb ıştə əməliyatonədə ım 14 nəfəriyə qrupi məhv kardışone.

Im bəyoniyə ijən təsdiğış karde: əməliyatədə 4 qılə terrorist həlok bən və çəvonku mande təchizat və cənozəon çı qonə zərbəon əlomət dore.

İroni sepah təşkilati  zəminə ğıvvon Həmzə Seyedoşohəda nomo bıə ğərorqo ijən bə istikbor vabəstə bıə terrorçiyon xəbə dortiş doe ki ıştə jıqonə xəbisə hərəkətonku dast bekəşon, bə kəno be mandon boçi ki əqə jıqonekon, dınyo ijən bəvonro əmn ni və İron əvoni təğib və məhv karde ıştə həx zındə.

Piranşəhr, çı İroni qıləy Kerdanştə şəhron key de İrağ mıştərəkə sərhədonış heste.

Iməməliyatədə i nəfər çı İroni sərhədiyə ğıvvon şəhid be.