Ğərb bəbe İron vədə bəştə ehdəmonon əməl bıkə.
Beynəl xalğ sahədə İroni Yolə Rəhbəri məslehətçi Əli Əkbər Velayəti de Fransə beynəl xalğ əloğəon muəsisə sədr Tomas Qomart iyən ətomiyə sazışi çərçivədə bə ğərbion ehdəmonon icra bey təkidış karde.
Bə İrib raporti əsos, ım vindemonədə Əli Əkbər Velayəti bəzi Avropavıjə kişvəron əcumlə Fransəku ım sahədə çımiku vey təsirin əməl karde tələbış karde iyən umidış be: ğərb çı Rusiyə və Çini həmkarion sayədə de İroni İslam Respublika əloğəon inkişof doe və hifz karde və bəştə ehdəmon əməl bıkon.
Velayəti təkidış karde: İron və Fransə miyono 2 tərəfi əloğəon inkişof xuxusi məntəğə və beynəl xalğiyə mıvzoon barədə lozime.
Tomas Qprmart həm məntəğə və ətomiyə təvafuği barədə Fransə siyasətonış bəyon karde və votışe: Fransə co Avropavıjə kişvəron kənoədə ətomiyə təvafuği oqətə iyən İron və Avropa miyono iğtisadiyə əloğəon hifz kardeyo cəhd kardedə.
