Velayəti: İroni millət Amerkə dışmənətion vədə təslim nibəben.

Beynəlxalğ sahədə İroni Yolə Rəhbəri məxsus məsləhətçi bə İroni zidd Amerkə omə ehtimoliyə sanksiaon işarəş karde iyən votışe: İroni millət Amerkə dışmənətion vədə təslim nibəben.

Bə İrna raporti əsos, beynəlxalğ sayədə İroni Yolə Rəhbəri məxsus məsləhətçi Əli Əkbər Velayəti zinə şəv Məşhədədə əlovəş karde: Amerkə xəyol kardedə ki çəvon dışmənətion vədə İroni millət təslim bəben əmmo İroni millət bənə dəvardəyon əvoni məğlub bəkay.

Əli Əkbər Velayəti İroni çı məntəğə i-nə ğudrət hisobış karde iyən votışe: İron de muğavimət cəhbə bə ico muvəffəğ bıə Asiya ğərbədə Amerkə iyən bə ğərb vabəstə bıə mırtəci hukuməton plani məğlub bıkən.

Amerkə prezident Donald Trump Mayə manqi 8 de bə İroni zidd beəsosə ittihamon tikror karde, ətomiyə sazışiku Vaşenqtoni xarıc bey ijən dətosə omə manqon ətomiyə sanksiyaon ijən oqardey elanış kardə.