Ğasımi: məntəğədə bıə noəmni və terrorizm çı Amerkə səhvə siyasəton nəticəy.
İroni xarıci vəzarətxanə sıxənəvot Amerkə xarıci vəzir sıxənon reaksiyaədə iyən məntəğədə İroni roli barədə votışe: məntəğədə bıə bestabiləti, ifrot, noəmni və terrorizmi zumandəti iyən co bıhranon, Amerkə səhvə siyasəton xotoe.
Amerkə xarıci vəzir Mayk Pompeo xiyoli və beəsosə iddioədə İroni çı Farsi Dıyo əmniyyəti bəyənde jə məsul elanış kardə.
Bəhram Ğasımi zinə ruj bəyonış karde: Amerkə xarıci vəziri oşkoə iddio və duə sıxənon karde nibəzne Asiyağərbədə ım kişvəri bestabil və xərobəkə roli ki çand həzo kilometriku məntəğə koonədə mıdoxilə kardedə məxfi bıkə.
Qıləy holədə ki Amerkə bəpe məntəğə və dınyo umum iştimayiəti vədə, ıştə səhv və vironəkə siyasəton barədə cəvob bıdə.
Ğasımi əlovəş karde: Amerkə de mudafiə bəhonə əcumlə de İronofobiyə iyən anti İron kanə bıə tikroriyə vavonə de muxtəlif surəti vironəkə silohon həvate və məntəğə kişvəron xəzinəon doşe hoədəy.
İroni xarıci vəzarətxanə sıxənəvot təsdiğış karde: dard və əzobi ki Yəməni məzlulə millət məxsusən ım kişvəri jenon, hırdənon və beqınoh iyən be mudafiə kam sinnon Səudiyon şəv-rujiə bombardımon əsərinku kəşıdən, de Amerkə dıvləti rizoyət, bə ziyod tələbə təcavuz karon icozə doe iyən bə əvon havzə lampə nışo doe ijən moli və silohinə himoyəon əncom bey holədəy.
Ğasımi işorəş karde: i ruj əvoni ki Yəmənədə ım canq və cinoyətiku himoyədorəti kardeşone, ijən amilon və əmr doə kəson bəpe salehə məhkəməədə cəvob bıdən.
