İnğilabi yolə rəhbər:deşmenon ijən bəştə hədəfon rəseədə ociz bəmanden.
İslami inğilabi yolə rəhbər islamiyə nizom və milləti miyonədə fasilə icod kardeyu bə deşmeni fitnəqərə hərəkəton işarəş karde və votışe:əqər milliyə iğtidari fakton zumand bıbon və deşmeni vədə sısti və təslim nışon doə nıbo deşmenon ijən bəştə hədəfon rəseyu ociz bəmanden
Həzrət Ayətulla Xamenei zinə İmom Huseyn(ə) nomo bıə (hərbi)ali məktəbi tələbəon dərsi orəxe mərasimədə ıştə bəyonoton dəvomədə əlavəş karde ironi milləti iğtidariyu həmməysə yolə dəlil ıme ki dınyoədə həmməysə zılmin iyən be rəhmə ğıvvə yəni Amerkə dəvardə 40 sori mıddətdə de ironi millət mubarizə bardeyu həmməcurə fəaliyət iyən şərarətış kardə əmmo zınəş ni heç qılə ğələt karde və çəy vədə ironi millət nakonəsə bə inkişaf rəsə.
Həzrət Ayətullah Xamenei əlavəş karde islamiyə Respublika nizomi ğıvvə iyən inkişafi xoto Amerkə deşmenəti ve be və əlbətdə ironi milləti nifrət həm amerkəku ruj bə ruj ve bə.
Yolə rəhbəri işarəş karde İron İslam Respublika qıləy nizome ki bəştə həmmə milləti nəzə,imon, və çəvon mehr-məhəbət iyən hisson anqıle,yolə rəhbəri de islamiyə nizom mubarizə bardeyu bə Amerkə nakonə prezidenti fəaliyəton məğlub be işarəş karde və ıştə bəyonoton dəvomədə əlavəş karde ısətnə ixtisadiyə təziğon məğsəd milləti bə tanq vardey əmmo de Xıdo izni ıştə əlağə de millət ruj bə ruj ve bəkamon və deşmen darıştə vəhdəti hifz kardeədə dindar və fəal iyən zumand cıvononku himiyə bəkamon.
İslami inğilabi yolə rəhbəri həğiğiyə iğtidarış milləti dıləku qıle və bə istiğlal və ozodəti əsosiş zınə və əlavəş karde ım iğtidar ni ki bəzion bə ğəribəon pul bıdən və bəvonku silah bıhıron və bə anbo bıjənon(enzı bıkən)əmmo ə silahunku istifadə karde həm nıznon və ya dınyo çə səo bon və qıləy məmləkətdə hərbiyə mərkəzon icod bıkən və ə milləti xoni bəhən ta qıləy ailə iğtidari hifz bıkən ımon ğeyre əğlin və zillətinə hərəkətonku nımonəonin.
Həzrət Ayətullah Xamenei ironi milləti ğıvvə iyən iğtidari coqlə dəlilış de islamiyə respublika nizom mubarizə bardeyu Amerkə tərəfo məntəğədə koalisiya təşkil does zınə və əlavəş karde əqər amerkəvıjon karde əznin coili bəştə hədəfon bırəson məntəğədə de siyodim iyən mırtəciə məmləkəton koalisiya təşkil doeyu ehtiyoci nıbı.
Yolə rəhbəri işarəş karde ə ruj ki ironi millət qıləy şərayetəndə ğəror bıqəto ki deşmenon hərbi, ixtisadi, əmniyəti və siyasiyə hucumonro corətışon nıbo di nibəbe və cıvonon ə ruji bəinden.
