Bəhram Ğasımi: İroni rəketiyə bərnoməon bə hiç kişvəri əleyh ni.

İroni xarıci vəzarətxanə sıxənəvot Fransə xarıci vəziri anti İron iddio barədə votışe: İroni rəketiyə bərnomə çı İroni mudafiə doktorini i baxş və bo İroni milli mənafe və sərhəddiku mudafiə kardeye.

Bəhram Ğasımi bə İsna aqentiyəti votışe: Tehron bəştə təcrubəon əsos, Sədam rejim hucumiku omotəşe ki deşmənon xəbisə məğsədi vədə bəpe ıştə mudafiə ğudrəti zumandəti və inkişofi fikədə bəbe.

Ğasımi İronış, terrorizmi vədə ğıbon bıə yolə kişvər hisob və təsdiğış karde: İroni qıləy əsli siyasəton de terrorizm mubarizə bardey ki çəy mısbətə nəticəon ısət məntəğə və dınyoədə oşko bəy.

İroni xarıci vəzarətxanə sıxənəvot, çı məntəğə iğtisodiyə əmniyyət, stabiləti və inkişofi bə İroni aid zınəş  be və təkidış karde: İron və məntəğə mənafe, əmniyyət, sulh və stabiləti bə yande vabəstəy və ım sahədə de məntəğə kişvəron əloğəon inkişof doe çı İroni məğsəde.

Ğasımi ijən bə Yəmən təcavuz karde barədə Səudi rejimi cinoyəton peştədə ğərbi kişvəron himoyəon məhkum kardışe və təsdiğ kardışe: ım kişvəron de siloh bən koməkon vasitə əmələn Yəmənədə təcavuzkaron təşviğ kardedən çən lozime ki ım siyasətədə ijən diyə bıbu.