De İmom Cəfəre Sadığ(ə)-i şhəhodəti sorqardışi mınosibəti səbəsəloməti.

İron İslam Respublika millət zinə şəviku çı şiəyon 6 minə İmom və şiyə məktəbi rəisi şəhodəti xoto əzodorin.

İmruj(deşambə) 2018-nə sori İyuli 9, Hicri Ğəməri 1439-nə sori Şəvvalə manqi 25 de viloyət və imoməti osmoni 6-nə ostovə İmom Cəfəre Sadığ(ə) şəhodəti sorqardış bərobəre.

Zinə Şəv və ımrujədə çı İmom Cəfəre Sadığ(ə) şəhodəti sorqardışi xoto, İroni milləti mığəddəsə vırəonədə deştə huzuri, dınyo şiəyon 6 minə İmomi şəhodətədə əzodorəti kardedən.

İroni şimol-şərğ, Məşhəd şəhrədə İmom Reza(ə)(şiəyon 8 minə İmom) pokə hərəmədə çı İmom Cəfəre Sadığ(ə) şəhodəti sorqardışi xoto zaironku pur bıə iyən əvon ıştə irodəti bə Əhli Beyte İsmət və Təharət(ə) nışo dodən.

İmom Cəfəre Sadığ(ə) ıştə qəncin və bərəkətinə umri mıddətədə de dərs klason bərpo karde və islami tərəfdoron əcumlə şiəyon və sınnionro ıştəni bo cəvob doe bənə ovardənin ğəror doe karde zınəş be de məntığ və dəlili çı şiyə məktəbi ğudrət bə həmmə islami tərəfdoron subut bıkə.

Im ğudrəti əssər ta bə hədd be ki sınniyon yolon yəni kəsoni əcumlə Şafeei, Malek və Əbuhənifə həm İmom Cəfəre Sadığ(ə)-i tono elmi kəsb kardeşone.

İron İslam Respublika telerədio tərəfo İmom Cəfəre Sadığ(ə) (şiəyon 6 minə İmomi) şəhodəti sorəqardışi bə həmmə mıslmonon, dınyo co azadpərvəron və məxsusən şıə məzhəbi tərəfdoron səbəsəloməti ərz kardedəmon.