Velayəti: Netanyahu hərəkəton, Tehron-Moskva rabitəonədə hiç təsirış ni.
Beynəl xalğ sahədə İroni Yolə Rəhbəri mışovir votışe: Tehron və Moskva miyono əloğəon inkişofi prosess qıləy i tərəfiyə siyasət ni və Benyamin Netanyahu hərəkəton ım sahədə betəsire.
Əli Əkbər Velayəti bə İrna aqentiyəti votışe: Rusiyə və İroni əloğəonədə 2 tərəfiyə mənafe təmin bedə.
Çən bə İroni əleyh Netanyahu bıə iddion Tehron-Moskva rabitəonədə təsirış ni.
Velayəti ıştə ım səfəri nəticəon barədə həm votışe: İroni Yolə Rəhbəri muhimmə və stratejik peyğom həmçınin İroni prezidenti mesaji bə Putin təğdim karde və peşo de Putin dıvzə mıddətə votımonon çı Tehron-Moskva rabitəonədə qıləy tarixiyə mərhələ be.
Əv təsdiğış karde: Putin-Trampi miyono vindemoni Astanədə ım mesaj və muzakirəon vey muhim be boçi ki i tərəf NATO bə İroni zid tojə iddion binoş karde və co tərəf İron və Russiyə bəpe məntəğədə Amerkə iyə n Amerkə həmpeymonon təziğon vədə i bıbun.
Velayəti de İroni mehvəriyət və Russiyə koməki məntəğədə bə mığovimət cəhbə cəhbə səbarzətion işorəş karde və votışe: İron və Russiyə miyono həmkarion karde bəzne İron, Çin, Hındostan və co Asiya Şərğiyə kişvəon miyono əloğəonro əlqo bıbu.
Beynəl xalğ sahədə İroni Yolə Rəhbəri məşviyə de Putin muzakirə karde barədə bə nat və qaz, ətomiyə bərnoməon, osonəro iyən məntəğəiyə həmkarion əcumlə Suriyə və İraği ərazi təmamiyyət və dıvlətonku himoyə dorti karde işorəş ka.
Həminə mıloğati bəpeştə Russiyədə İroni səfir Mehdi Sənai həm Russiyə və İroni miyono bo iğtisodi əloğəon sənəd, mığovilə və meydoni hozzo beyku xəbəş do.
Beynəl xalğ sahədə İroni Yolə Rəhbəri məşviyə Əli Əkbər Velayəti zinə çı İroni Yolə Rəhbər və İroni prezidenti məxsusə mesaji be Putin təğdim kardero bə Russiyə səfərış karde.
