De həzrət Məsumə(s) viladəti sorəqardışi mınosibəti təbrik.

Dınyo şiəyon 8 nə imom həzrət imom Rıza(ə) əzizə hovə Həzrət Fatimə Məsumə(s) viladətə şəvi sorəqardışədə islamiyə İron bə şoə mərasimon şohid be.

Imruj hicri ğəməri 1439 nə sori ziğədə 1 bərobər de iyoli 15 dınyo şiəyon 7 nə imom həzrət Musəbne Cəfər(ə) əzizə kinə həzrət Fatimə Məsumə(s) viladəti sorəqardışe.

Həzrət Fatimə Məsumə(s) hicri ğəməri 173 nə sori ziğədə 1 minnə ruji Mədinə şəhrədə bə dınyo omə.

Həzrət Fatimə Məsumə(s) fəziləton simvol be.

kərimeye əhlebeyte ismət və təharət(ə) Həzrət Fatimə Məsumə(s) miladə şəvi tehroni cənub ğomı mığədəsə şəhr həzrəti pokə hərəmədə şoə mərasimon bərpo bin.

ğomı mığədəsə şəhri vilayətmədarə şəhrvandon həm ıştə binaon, tokınon,iyən məçiton və təkiyəon novrani kardeədə  şinişon baxş karde və şoə mərasimonışon bərpo karde.

Həzrət Fatimə Məsumə(s) viladəti sorəqardışə mərasim cəmkəranı mığədəsə məçit və Ğom ostani coqlə məçiton, huseyniyəon və məzhəbiyə vıronədə de əhlebeyte ismət və təharət(ə) aşığon və iradətməndon əzəmətinə huzuri bərpo be.

İron İslam Respublika telerədyo de həzrət Fatimə Məsumə(s) viladəti sorəqardışi mınosibəti bə əhlebeyte ismət və təharət(ə) həmmə piyəkəson təbrik votedə.