Ğasımi:Vilayəti de Rusiyə prezdent muzakiron kırtə məsəlon nəşr bə ni.

İroni xarici koon vəzorətxonə sıxanəvoti votışe:beynəlxalğə koonədə islamiyə inğilabi yolə rəhbəri mışovir de Rusiyə president təşkil doə kırtə məsəlon nəşr bə ni.

İroni xarici koon vəzorətxonə sıxanəvot Bəhram Ğasımi zinə de daxili və xariciyə jurnaliston təşkil doə xəbəriyə iclosədə bə islami inğilabi yolə rəhbəri mışovir Əli Əkbər Vilayəti de Rusiyə president Veladimir Potin ki dəvardə 4 şanbə ruji təşkil be işarəş karde və çı vindımoni de Rusiyə və Amerkə prezidenton Finləndiya Helsinki  zinə vindımoni barədə əlavəş karde ım vindımon bə ironi aid bıə məsəlonədə əlağəş bə ni və Tehron bə Amerkə president Donald Tramp heç qılə mesajış bə ni.

Ğasımi əlavəş karde rusiyədə Vilayəti 2 saatə muzakiron kırtə məsəlon nəşr bə ni və əviki mediyaonədə bəyon bə muzakiron əsosə məsələku iborət ni.

İroni xarici koon vəzorətxonə sıxanəvot elanış karde Vilayəti bə Maskva təşkil doə səfər bə xariciyə koon vəzorətxonə xəbə doeədə və bənə prezidenti məxsusə vığandə bıə şəxs,İslami İnğilabi yolə rəhbəri mesaji bə Rusiyə president rusneyu bə və əlavəş karde İslamiyə inğilabi yolə rəhbəri mışoviri de Rusiyə president təşkil bə vindımonədə mıxtəlif məsəlon  2 tərəfə,məntəğə və beynəlxalğə baxşonədə bəyon be.

Ğasımi ironi xarici koon vəzorətxonədə bıə siyasiyə muavin sed Əbbas Ərağçi bə Hindostan   səfər karde və Amerkə sanqsiyaon bəpeştə ironi nati bə ım məmləkət ixracat kardeyu de ım məmləkəti rəsmi şəxson muzakirə karde həxədə jurnalisti suali cəvobədə votışe:Ərağçi bə Hindostan səfər karde de nakonə bərnamə və mıtəmadiyə holətədə devrəiyə vindımonon çərçivədəy və 2 qılə məmləkəti nəzədə bə məsəlon həxədə muzakirə  bəbe.

İroni xarici koon vəzorətxonə sıxanəvoti işarəş karde Hindostan  ğədimiyə şərikonədəy və 2 qılə məmləkət deyandı zumand və çokə əlağəşon heste.

atom sazışi həxədə Avropa təğdim kardə məsləhəti bəpeştə atom sazışədə mande və ya çəyku xaric be barədə ironi ğəroli həxədə votışe:atom sazışiku ğeyre ğanoniyə holətədə Amerkə xaric be bəpeştə Avropa və hətta Çin və rusiyədə ım nəzə hest bı ki ım beynəlxalğə sazış hifz bıbo və eyne holədə rooni nəzədə qətə bıbo ta İron bızno atom sazışi faydonku bəhrə bıbə.

İroni xarici koon vəzorətxonə sıxanəvot həminə holədə işarəş karde Avropa və atom sazışədə  mandə məmləkəton ğəroliyu veyə fırsət ni və de ğətiyəti nibəznemon İron İslam Respublika ixtisadi,mandə bə şərikon ğəroli elan nıbeyu təziği jiyədə ğəror doe.