Rusiyə səfir:Suriyədə ironi huzur ğanuniye.
Tehronədə bıə Rusiyə səfiri votışe:suriyədə ironi huzur ğanoniy və bə dəməşği tələbi əsosi ım məmləkətdə huzurış heste və terroriston nabod karde əməliyatdə iştirakış heste.
Tehronədə bıə Rusiyə səfir Levan Caqariyan Komersant nomo maskvadə çap bə rujnamə votımonədə Maskva bə Tehron təziğon imkoni barədə suriyəku ıştə hərbiyə qrupi xaric karde həxədə votışe: İron qıləy məmləkət ni ki bıbo bəy təziğ nışon doe ,Tehron mıstəğilə xariciyə siyasətış heste ,de ironıjon ko karde bəbe əmmo təziğ bəvon ğeyre mumkine.
tehronədə bıə rusiyə səfir eyne holədə noyabrə manqi bəpeştə ironiku nat hıriye dəvomi həxədə votışe:Rusiyə,Amerkə 1 tərəfə sanqsiyaon ğəbul kardə ni və ım sanqsiyaon ğeyre ğanonin çunki Tehron atom sazışi çərçivədə bəştə doə bə vədəon əməlış kardə və beynəlxalğə atom enerji muəssisə həm ım məsələş təsdiğ kardə.
