İslami inğilabi yolə rəhbər:məntəğədə huzur ironi ğıvvə iyən əmniyəti baxşonədəy.
İslami inğilabi yolə rəhbəri zinə sıb ironi səfiron, vəzifəinə şəxson iyən ironi xarici koon vəzorətxonə məsul şəxson vindımonədə votışe:məntəğədə huzur(iştirak) ironi ğıvvə və əmniyətiku iborəte və məmləkəti stratejikə peşt bə hisob omedə,boçimi xoto deşmenon dəy muxalifin.
Həzrət Ayətullah Xamenei de ironi atom ğıvvə iyən orani qəncin karde ğıvvə və məntəğədə de ironi huzur(iştirak) Amerkə muxalifətış,de islamiyə nizomi iğtidari mıxtəlif hisson çəvon nığılə deşmenətionku iborətış zınə və əlavəş karde amerkəvıjon cəht kardən islamiyə inğilabi səbarzbeku bə nav ironədə bəştə navnə şərayet iyən vırə oqardon və çimisə bə kam rozi mandə nin.
İslami inğilabi yolə rəhbəri çandə cəhətdə əlağon inkişaf,məxsusən 2 tərəfə əlağon və məntəğədə bə təşkilaton xususiyə diğğətış zəruri zınə və əlavəş karde xaricdə bə ironi səfiron və nımayəndon bəpe millət və məmləkəti imkanon iyən zumandətionku kamelən aqah bıbon.
yolə rəhbəri avropavıjon iyən ğərbion navnə işğal kardə vıronədə bə cinayəton,ğərbədə bə demokratiya məhdud be qıləy ğanon və ya məxsusə mərkəzi nəzə,Açerkə və bəzi avropaiyə məmləkətonədə diktatorəti iyən ğərbion ısətnə cinayəton mincumlə yəmənı milləti ğətliam kardeyu de səudion həmkarəti karde işarəş karde və ıştə bəyonoton dəvomədə əlavəş karde ğərbion insonə həxon ləğv karde simvolin əmmo tam dıştə behəyoəti ironi məhkum kardən jəqo ki qah inson çəvon behəyoəti şiddətiku mot mandə.
Həzrət Ayətullah Xamenei ,məmləkəti məsul şəxson zıvono mıtəmadiyə holətədə bə Amerkə bovə nıkarde məsələ işarəş karde və votışe:az ğədimiku ım məsələm bə yod dəğandə ki amerkəvıjon qəp və hətta imza piyo nibəbe hisob karde ,boçimi əsos de Amerkə muzakirə heç qılə foydəş ni.
islami inğilabi yolə rəhbəri ironi istifadə nıbə iyən kam istifadə bə zərfiyəton və ğıvvə fəal kardeş muhim zınə və votışe:de avropavıjon muzakiron ğət nıbon əmmo nibəznemon avropavıjon məsləhət doə nəzəronru mətəl mande bəlkə bəpe lozim bə veyə koon məmləkəti daxilədə əncom bıdəmon.