Elmi istihsoli kəmiyyət indeksiyaədə İron dınyoədə i minə vırə kəsbış karde.

İslam dınyo elmon istinad əkə mərkəzi rəis Muhəmməd Cəvad Dehğani İronədə elmi istihsoli kəmiyət sahədə dəvardə sori muğaisədə İroni 9 faiz inkişofiku xəbəş do və votışe: bə Kelariveit Analiteks mərkəzi raporti əsos dınyo 25 qılə tap kişvəron cəmədə İron dəvardə sorədə elmi istihsoli kəmiyyət indeksiya sahədə i minə vırə kəsbış karde.

Əv votışe: bə həminə raporti əsos ımsor İronədə elmi istihsol ısət Miladi 2012-nə sori muğaisədə təğribən 2 faiz ziyod be.

Bə həminə muntəşir bıə statsikaon ısət dınyoədə elmi istihsol əkə tap kişvəron elmi istihsoli miyonə miğdor dəvardə 6 sori mıddətədə 13 faiz be ki Russiyə, Hindıston və İroni de tərtibi i minə detosə 3-nə vırə kəsb kardəşone.