Qeneral Hatəmi: İron dışmenon təziğon vədə təslim nibəbe.
İroni hərbi ğıvvon himoyə və mudafiə vəzir votışe: İron dışmənon təziğon vədə təslim nibəbe və ısətnə şəroyetiku rədd bəbe.
Bə İrna raporti əsos, qeneral mayor Əmir Hatəmi zinə Zəncan ostanədə(İroni şimal ğərb) de işorə bə ım ki dışmen nə fəğət de komilə xəbisəti, bə həmmə Muğavilə və sazışon pobənd nımandəy, bəlkəm bə İroni sanksiyaon dəvom doe niyyətış heste əlovəş karde: İroni millət de tarixiyə sabiğə və de izzət və iğtidori iyən saon həzo şəhid və conbozon bo İroni İslamiyə İnğilabi hifz kardeyro təğdim karde, be şək ısətnə şəroyetiku rədd bəben.
Qeneral Hatəmi təkidış kardə: bə İroni əleyh dışmənon sanksiyaon qıləy erjinə fırsəte ki bəpe ım fırsətiku bo iğtidori zumandəti istifodə kəmon.
Amerkə xarıci vəzarətxanə siyosəton mıəyyənəkə mudir Brian Hook 2018-nə sori İyon 2, de İroni vədə Trumpi tojə dıvlət strateqiyaon bəyon karde, elanış ka: bə İroni əleyh Amerkə tojə dıvrə sanksiyaon ki ğızıl və maşinsoxte sahəonədəy, 2018-nə sori Avqusti 4 iyən co baxş ki İroni banki sistemon və enerji sahəonədəy, Noyabri 4ku icra bəbe.
