Farsi zıvon dınyoədə sulh, dustiyəti iyən mənəviyəti parde.

İroni islamiyə əloğəon iyən mədəniyət təşkilati rəis, dınyoədə farsi zıvoni çı eşğ, mənəviyət, sulh və dustiyəti pard zınəş be və votışe: İronədə dınyo muxtəlifə kişvəronku farsi zıvonon hevujə huzur ım zıvoni sayədə milləton nığlə əloğəon nışo dodə.

Əbuzər İbrahimi Tırkəman zinə şəv, Tehronədə farsi ədəbiyot və zıvoni barədə məlumati ziyod əkə 85-nə beynəl xalğiyə iclosi kənoədə, İronədə dınyo muxtəlifə kişvəronku çandə farsi zıvonon huzuri, ım zıvoni nığli və nıfuzi nışonə zınəş be ki bo farsi zıvoni umməte ro haruj dınyoədə bə çəy tərəfdaron iyən muxatəbon əlovə bıdə.

Əv bə farsi zəvoni kanti, sabiğə, nığləti və rişəon işorəş karde və votışe: İronıjə şairon ədibon və alimon səy və cəhd jıqo be ki de şinə məfhom iyən lizzət əbaxş çərçiv, sıxəni bə muxatəbon təğdim bıkon.

İbrahimi Tırkəman bə farsi zıvoni xususiyət iyən indekson işorəşon karde və votışe: bo farsi zıvoni yod doero harcurnə cəhd bənə əxloğ, dostiyəti, sulh, həmdeləti, i bey, bə əhd bəfo karde, vahidə sədo, həmdeləti və cəmaət iyən muxtəlifə odəmon miyono həmkarione mənodəye.

De 13 qılə kişvəronku 40 qılə farsizıvoni fəalon iştiroki İranədə farsi zıvon və ədəbiyoti yodədə 85-nə iclos bino bıə.

Dınyo 200 qılə unniversitionədə farsi zıvon bə tələbəon yod doə bıdə.