Sepah Pasdaran Fars deyoədə deyo manevrış təsdiğ karde.

İslami inğilabi sepah pasdaran deyo iğtidarə manevr dəvardə haftə Fars deyo ovonədə de muvəfəğiyəti bərpo be.

Bə telerədyo aqentəti xəbon əsosi İslami İnğilabi Sepah Pasdaran sıxanəvot qeneral mayor Rəməzan Şərif votışe:ım manevr beynəlxalğə ovə roon control iyən çəy əmniyətiku muğət be məğsədi və Sepah ha sornə təğvimiyə manevron bərnamə çərçivədə təşkil bə.

qeneral mayər Şərif əlavəş karde Sepah mudafiyə iğtidarinə manevr ,Sepah deyo iyən aviyasiya ğıvvonku İslami İnğilabi Sepah Pasdaranı fərmondə qeneral mayor Muhəmməd Əli Cəfəri təşəkkur kardeədə bərobər bedə və əv ım manevri muvəfəğ bərpo kardeku ıştə roziyəti elan kardə və Fars deyo ovə roon iyən Hormozı tanqə dəvominə əmniyəti təmin kardeyu həmmə cəhətdə mudafiyə ğıvvə hozıəti iyən inkişaf doeyu bərobər deşmenon ehtemaliyə təhdidon vədə işarəş karde.