Xoşru:Amerkə sanqsiyaon oşkoə holətədə beynəlxalğə ğanonon ləğv kardeye.

İ bə milləton təşkilatdə İron İslam Respublika daimə nımayəndə atom sazışiku Amerkə xaric beş və bə ironi zid ım məmləkəti sansiyaon oqardeş oşkoə holətədə beynəlxalğə ğanonon ləğv kardeş zınə və votışe: beynəlxalğə ictimaiyət bəpe beynəlxalğə həxi nəzmi,təcavuzkaron vədə bımando.

Bə Fars aqentəti xəbon əsosi Ğulaməli Xoşro zinə Qardiyən rujnamədə ıştə nəşr bə mətləbədə işarəş karde atom sazışiku Amerkə president Donald trampi devləti xaric be çancəhətə diplamatiyaru qıləy  faciə be və əlavəş karde 1 tərəfə radikalə hərəkəton, mıtləğə təkəburinə rəftoron və dınyo əsosə təşkilatonədə iştirak nıkarde ne ım ki İron bəlkə həmmə məmləkəton təhdid kardə.

İ bə milləton təşkilatdə ironi daimə nımayəndə eyne holədə de İron  ticarət karde cəhətdə trampı bə coqlə məmləkəton xəbərdarətion həxədə işarəş karde və əlavəş karde ım 1 minnə kərəy ki İ bə milləton təşkilati əmniyət şura qıləy uzv ,dınyo bə ım şura ğətnamə əməl kardeyu və ne çəy ləğv karde xoto, təhdid və təziği jiyədə ğəror qətedə.

Amerkə president peso qıləy bəyonotdə tojədən atom sazışış qıləy dəhşətinə təvafuğış zınə və elanış karde ə məmləkəton ki de İron ıştə ixtisadiyə əlağon ğət nıkən  bə çəy votəyon əsosi de qonə nəticon dim bə dim bəben.

Tramp mayə manqi 8 nə ruji atom sazışiku Amerkə xaric beş elan karde.

Amerkə prezidenti ım hərəkət beynəlxalğə səviyədə məxsusən atom sazışi imza əkə tərəfon  ciddiyə tənğidonədə dim bə dim be.

Britaniya,Fransə,Rusiyə,Çin,Almaniya və Avropa itifağ elanışon kardə bə atom sazış bovəşon heste  və çəyku himoyə bəkan.