Azadəon bə ironi islamiyə vətən oqarde sorəqardış.
Imruj cumə milady 2018 minnə sori avqosti 17 səbarzə azadəon bə ironi islamiyə vətən oqarde sorəqardışe.
1990 minnə sori avqostə manqi yəni hicri şəmsi 1369 nə sori mordad manqi 26 nə ruji islamiyə İron bə səbarzə azadəon huzuri şohid be ki çandə soron iraği bəs rejimi dəhşətinə zindonədə əsorəti bəpeştə,bəştə islamiyə vətən ğədəm nodə bin.
azadəon oqarde çandə soron şiddətinə işkəncəon vinde bəpeştə ,deşmeni vədə ironi milləti huşinə muğaveməti nəticədə iyən islamiyə inğilabi yolə rəhbəri tərəfo məlum kardə strateqiyaədə hərəkət karde xoto bə dast omə.
azadəon bə islamiyə vətən oqarde eyne holədə bə ironi zid iraği bəs rejimi 8 sorə canqədə,ironi ğəsəm hardə deşmenon izofə tələbon vədə ıştə osol və hədəfon roədə muğavimət karde nəticədə bə dast omə.
de həminə mınosibəti bə ironi zid iraği 8 sorə canqədə səbarzə azadəonku yod kardeyu məxsusə mərasimon və bərnamon bərpo bedən.
