De Həzrət imom Muhəmməd Bağır(ə) şəhodəti sorəqardışi mınosibəti səbəsəloməti.

İslamiyə İron dınyo şiəyon 5 nə imom həzrət imom Muhəmməd Bağır(ə) şəhodətə şəvi sorəqardışədə ğəm və matəmədə dəvarde.

Imruj hicri ğəməri 1439 nə sori zihəccə 7 bərobər de milady 2018 minnə sori avqosti 19 dınyo şiəyon 5 nə imom həzrət imom Muhəmməd Bağır(ə) şəhodəti sorəqardışe.

şiəyon 5 nə imomi ləğəb Bağır ya Bağırolom yəmi elmon okardəkəse.

Həzrət imom Muhəmməd Bağır(ə) 19  soro 10 manq ıştə əzizə dədə həzrət imom Zeynulabedin(ə) şəhodəti bəpeştə imoməti yolə vəzifəş əncom do.

İmom Muhəmməd Bağır(ə) ıştə imoməti devranədə islamiyə mədəniyəti nəşr və təbliğ,şaqirdon təlim doe,səhabon iyən milləti rəhbərəti karde,milləti miyonədə ıştə əzizə cəd həzrət Muhəmməd(s) rəsm və adəton icra karde və ğasibə hukuməti bə səhihə rəhbəri xəti aqah kardeku 1 ləhzə həm ğəflətış nıkarde.

Dınyo şiəyon 5 nə imom oxoysə hicri ğəməri 114 minnə sori zihəccə 7 nə ruji 57 sorətiədə Mədinə şəhrədə əməvi xəlifə Heşam İbne əbdulməliki dastədə zəhrin be və bə şəhodət rəsə.

İslamiyə ironi millət Həzrət imom Muhəmməd Bağır(ə) şəhodətə şəvi iyən ruji sorəqardışədə məçiton,təkiyəon,Məşhəd şəhrədə şiəyon 8 nə imom həzrət imom Rıza(ə) pokə hərəm iyən Ğom şəhrədə həzrət Məsumə(s) pokə hərəmədə əzadarəti kardən.

İron İslam Respublika telerədyo dınyo şiəyon 5 nə imom həzrət imom Muhəmməd Bağır(ə) şəhodəti sorəqardışi mınosibəti bə dınyo həmmə mıslmonon səbəsəloməti dodə.