Ələvi:kəşfiyat vəzorətxonə ironi milləti əmniyəti təminəkəy.
İron İslam Respublika kəşfiyat vəzir zinəşanqo ironi xəbər beynəlxalğə kanali "titre ımşəb" (ımşanqonə unvan) nomo bıə bərnamədə votışe:ım vəzorətxonə hicri şəmsi dəvardə sori terroristiyə qrupon 269 qılə vığandə bə qrup ,qədə dastə iyən nəfəron pəydo və əvoni dastqir kardə və ıştə sıxanon dəvomədə əlavəş karde kəşfiyat vəzorətxonə ironi milləti əmniyəti təmin əkəy.
Bə Mehr aqentəti xəbon əsosi sed Məhmud Ələvi bə 132 qılə terroristiyə qrup və qədə qrupi fəaliyət ironədə nooroməti və toyfəiyə canqon icod kardeyu xəbəş do ki əcnəbion tərəfo himoyə bedən və votışe:İron İslam Respublika kəşfiyat və əmniyətiyə ğıvvon icazə nibədon,ironi no orom kardeyu deşmenon vində han təbir bıbo.
ironi kəşfiyat vəzir eyne holədə de ixtisadiyə fəsot mubarizə bardeyu bə ım vəzorətxonə məmoriyət işarəş karde və votışe: qıləy bəjiyə ixtisadiyu bəpe de ixtisadiyə fəsot mubarizə bıbo.
sed Məhmud Ələvi əlavəş karde ironi kəşfiyat vəzorətxonə fəaliyət kardə daxiliyə istihsaləkonro qıləy əmnə şərayet və ixtisadi fəsotinə hərəkəton təşkil kardəkəsonro qıləy no oromə şərayet icod bıkə.
