Sıvoy Amerkə, sionist rejim və çəvon nokəon İroni co deşmınonış ni.

İroni prezident təkidış karde: İron de vəhdət iyən i bemoni deşmənon vədə səbarz bəbe.

Həsən Ruhani ımruj Tehron ə qıləy iclosədə təkidış karde ki İron hiç faxt Amerkə fişaron vədə təslim ni bəbe və votışe: İroni millət Sepiyə binaədə tojə hakim bıə qrupi fişaron vədə hiç faxt ni bətarsın boçi ki çı Amerkə dıvləti ko, sıxənon və vindımon məlum ni iyən har ruj de yande dave karde holədən.

Ruhani əlovəş karde: ım tojə qrup, nə fəğət de İron bəlkəm deştə kanə doston və deştə iğtisodi şərikon həm dave karde holədən.

İroni prezident bə ım nuktə işorəş karde ki Amerkə i tərəf bə İroni millət fişar variddə və co tərəf muzakirə peyğomi vığandedə təsdiğış karde: Amerkə 2 dimə rəftorışe və ımruj canq çı iğtisodi və təbliğotiyə canqe.

Tramp mayə manqi 8 nə ruji atom sazışiku Amerkə xaric beş elan karde.

Amerkə prezidenti ım hərəkət beynəlxalğə səviyədə məxsusən atom sazışi imza əkə tərəfon  ciddiyə tənğidonədə dim bə dim be.

Britaniya,Fransə,Rusiyə,Çin,Almaniya və Avropa itifağ elanışon kardə bə atom sazış bovəşon heste  və çəyku himoyə bəkan.