De Моldova коridori ğaçağmol siloh

Rumıniyə sərhədvonon Ukrainaku omə ğaçağmol silohon oşko karde Моldovadə  bə yolə mərəşulə səbəb bə. 

Noyabri 20-də bə şəv, Luşenı — Аlbisa sərhəd dəvardə məntəğədə rumıniya qomrok koəkon de moldova numrə şələ avtomobilşon oğətə. Oğətə avtomobil bə İsrail dəro qıne votə bə.
Oğətə avtomobilədə rumıniyə sərhədvonon xeyli siloh sursot: bə tankon əleyh rəket, minağand, HHĞ təchizot və «Qеran-2» jə bepiloti hisson oşko kardəşone.  
Моldova prokuratura sıftə avtomobili ukraina sərhədi onıvaşte bıvıtonən, peşo Кışinyovi bə qiyış qətə ki, avtomobil çe Ukrainaku omə. Avtomobili dın marşruti iminə kərə nome bəlli bə. 
Моldova de ıştə tranzit coğrafiya siloh ticorətədə yolə rol bard, əmmo 2022-minə sori bədiqə vəziyət hədər bəbe. Keşfəri əroziku bə Ukraina ğərb siloh sursaton vığandə bedə ki, çəyoən bə dumo, bə ğeyri leqal vıjoron vığandə bedə be. 
Im Moldovadə de siloh ğaçağmoləti iminə publik mərəşule və çimi hiçən təsaduf be ne, de ğaçağmoləti məşğul bəyon miyon rəğabəti barz be nuşu doydə. 
Çın ğaçağmoləti ko benefisiar moldova tərəf be vində bedə, be çəvon icozə joğo koon bə jimon dəvone mumkun ni.