Dınyo 41 qılə kişvəronədə Huseyni şıt əhə hırdənon matəmə mərasim.

Həzrəte Əli Əsğər(ə) beynəl xalğiyə icma rəis votışe: de İron İslam Respulika həmzəman dınyo 41 qılə kişvəronədə maştə məhərrəmə manqi i minə cımə ruji xoto və 5300 qılə mıəyyən bıə vırə ədə Huseyni şıt əhə hırdənon matəmə iclos bərpo bəbe.

Bə İrib raporti əsos Davod Mənafipur bə ım icma mərom nomə və doktorini bə 8 zıvon tərcumə bey işorəş karde və votışe: ımsornə mərasimədə həm Həzrəte Əli Əsğər(ə) stratrjikə komilə plan icra bəbe.

Əv bə ım təşkilati fəaliyəton, Russiyə, Dağıston və Niqeriya və Hindıstonədə işorəş karde və votışe: de şiə, sınni və hətto məsihi eltiyaon dəvət karde ım beynəl xalğ matəmə mərasim çımiku vey hevoj bəbe.

Əv bə ım mərasimi aid i milyoniku vey məxsusə olton duteku xəbəş do ki bə Asiya şərğ, Afriqa iyən Avropa kişvəron vığandə bey.

Huseyni şıt əhə hırdənon matəmə iclos Məhərrəmə manqədə qıləy məzhəbi mərasime ki Aşoradə şəhidə hırdənon yodi əziz qətə xoto İron və dınyo mısılmonə cəmaəton tərəfo har sor Məhərrəmə manqi i minə cımə ruji dəvoniyə bıdə.

Im mərasim de Həzrəte Əli Əsğər(ə) beynəl xalğiyə icma zəhməti və bə Kərbəlo 6 manqiyə şıt əhə hırdəni ehtırom karde xoto bərpo bıdə.