Sepah fərmondə:terroriston desbə 2 həzo kilometr çəmə hədəfon vədən.

İslami inğilabi sepah pasdaran fərmondə votışe:iraği kırdıston məntəğədə bə inğilabi zid terroristiyə qrupon ələyh tojə təşkil bə əməliyat desbə 2 həzo kilometr həmmə terariston hərbiyə mərkəzonru qıləy mesaj bı.

Qeneral mayor Muhəmməd Əli Cəfəri zinə de livani Əlmenar kanali təşkil doə votımonədə əlavəş karde teraristiyə ğıvvon və qrupon bəpe bıznon ki ironi rəketon ve zumandin və əqər bə ironi zid çəvon deşmenə hərəkəton dəvom pəydo bıkə çəvon hərbiyə mərkəzon desbə 2 həzo kilometr ironi rəzməndon rəketonədə dim bə dim bəben.

İslami inğilabi sepah pasdaran fərmondə votışe: terroriston tərəfo şərarəton və şəytonə hərəkəton tikrar,İron İslam Respublika silahlinə ğıvvon saxt iyən zumandə cəvobədə dim bə dim bəbe.

Dəvardə 2 şanbə ruji bə deşmenon vabəstə bə terroristiyə qrupon iraği kırdıstonı məntəğəku bə ironi  sərhədiyə məntəğon zid təşkil bə hərəkəton bəpeştə İslami İnğilabi sepah pasdaran de 7 qılə rəket,terrariston yolon iclos iyən çəvon təlimdoə mərkəzonışon hədəf qəte.

ım əməliyatdə bə ironi milli əmniyəti zid fitnəqərə hərəkəton mərkəz arəku şe və çandə 10 nəfər terroristiyə qrupon yolon iyən əməliyati muhimə uzvon bə həlokət rəsin və xəylion həm yarəjə bedən.

Qeneral mayor Cəfəro votışe:Amerkə və məntəğədə murtəciə rejimon ki həmmişə terrariston kənoədə mandən çandəsore ki bə islamiyə respublika zid fitnəqərə hərəkət təşkil dodən əmmo daxiliyə vəhdəti xoto çəvon fəaliyət ironi milləti mıxtəlif toyfan mincumlə ərəb,kırd,Tırk və coqlə toyfan miyonədə ixtilaf təşkil kardeyu bə nəticə rəsə ni.