Twitterədə pesoxtə bıə profil və səhifəon bəpe bastə bıbon.

Londonədə İroni səfir Twitterədə pesoxtə bıə profil və səhifəon bastə bey tələbış karde.

Bə İrna raporti əsos Həmid Bəidinejad votışe: Twitter bəpe bə İroni rəsmi şəxson tələbi əsos pesoxtə bıə səhifəoni ki bə İroni nizomi əleyh fəaliyət kardedən bıbasto.

Əv ıştə mesajədə ğeydış karde: de diğğət bə İnqiltərə və Əlcəzirə telerədio kanalonədəd sənədinə filmon ısət pesoxtə bıə profilon tərəfo bə İroni əleyh fəaliyəton peştədə niyyəton oşko bıə.

Ğeyd kəmon ki tojədən Əlcəzirə kanal de pesoxtə bıə profilon və roboton nomi qıləy sənədinə bərnoməş pəxş karde ki bə çəy əsos çandə ğeyri həğiği səhifəon bə İroni əleyh nadırıstə xəbəon və mıhtəvaon məşğol bey nışo dodə.

İroni xarıci vəzir Muhəmməd Cəvad Zərif ım xəbə muntəşir bey bəpeştə elanış karde: Twitteri rəsmi şəxson ki İroni həğiğiyə şəxson əcumlə televeziya diktoron və unniversiti tələbəon profili de pesoxtə bıə ittihamon bastedən vey çok əbi bə jıqonə pesoxtə bıə profilon ki bə İroni əleyh təbliğiyə canqi Vaşenqtoniku hidoyət kardedən diyə bıkə.

İşorə kəmon ki ım roboton çı mınofiğin terroristiyə qrupi vırə Albaniya Tirana şəhriku mudiriyət bıdən.