Velayəti:Amerkə və sionist rejim islamiyə məmləkəton sərvəti dızdiye dumoədəy.
Beynəlxalğə koonədə islami inğilabi yolə rəhbəri mışoviri votışe:Amerkə və sionist rejim islamiyə məmləkəton baxş bə baxş karde iyən əvoni zəif karde və çəvon imkanon(sərvəton) dızdiye dumoədəy.
Bə telerədyo aqentəti zinə xəbon əsosi beynəlxalğə koonədə islami inğilabi yolə rəhbəri mışovir Əli Əkbər Velayəti tehronədə suriyəvıjə ostadon,hakimon,devlətiyə mudiron və mediya baxşədə fəaliyət kardəkəson heyəti vindımonədə əlavəş karde:7 sorisə veye ki suriyə millət beynəlxalğə istikbar və sioniston vədə muğavimət kardən və muğavimət cəhbə nışonış doə ki həx de suriyə milləte.
Velayəti votışe:amerkəvıjon məntəğədə muğavemət cəhbə hərəkətonku xışmqinin və votışe:İron İslam Respublika bə Suriyə devləti tələbi əsosi ım məmləkətdə huzurış heste əmmo Amerkə ki məntəğə devləton icazəku kəno asiya ğərbədə huzurış heste bəpe məntəğəku xaric bıbo.
Suriyə Forat ali məktəbi nakonə rəis Cəmal Əbdullah həm votışe:suriyədə canq de Amerkə,İnqiltərə ,sionist rejim və bəzi ərəbiyə məmləkəton tərəfo ki çəvon xıdmətdə bən mudiriyət bə.
Forat ali məktəbi nakonə rəis votışe: deşmenon nibəznen bə Dəməşğ və tehroni əlağon inkişafi mane be və əlavəş karde bə Suriyə milləti zid istikbariyə məmləkəton və Amerkə zılmi vədə mandeyu,İron Suriyə əsosə tərəfdarnkoy.
