Zərif:əqər Avropa mexanizm bə kar nıvo İron atom sazışiku xaric bəbe.
İroni xarici koon vəzir votışe: əqər atom sazışi hifz kardeyu Avropa xususiyə mexanizm bə kar nıvo İron sazışiku xaric bəbe.
Vaşinqtonpost nəğliku İRNA ımruj xəbəş do ironi xarici koon vəzir Muhəmməd Cəvad Zərif zinə şanqo İ bə milləton təşkilatdə bıə ironi nımayəndəqiədə hozzı bə jurnaliston cəmədə təşkil doə votımonədə bə atom sazış ironi peşt-pur mande həxədə işarəş karde və votışe: əqər avropavıjon tərəfo təşkil bə xususiyə mexanizm bə kar nıvo ım ehtimal heste ki İron çı sazışiku xaric bıbo.
atom sazışiku Amerkə xaric be bəpeştə avropaiyə məmləkəton ironi ixracat iyən idxalonro maliyə məsəlon vədə təşkil bə problemon həl kardeyu qıləy xususiyə mexanizmi icod kardeku xəbəşon do ta çı royku de ğanoniyə roon ironədə bıstən bəhvat kardeyu ixtisadiyə fəalon cəzb bıkən.
Zərif əlavəş karde İron ğəsdış heste ki nati həvate iyən de beynəlxalğə ticarət dollari əvəzi de coqlə valiyotaon ironi nati həvate vədə Amerkə sanqsiyaonədə mubarizə bıkə.
