Zərif bə Tehron oqardə.

İron İslam Respublika xarici koon vəzir bə Niyuyurk ıştə 2 haftəiyə səfəri bəpeştə bə Tehron oqardə.

Bə İRNA  xəbon əsosi Muhəmməd Cəvad Zərif sentiyabri 23 nə ruji de İron İslam Respublika prezdent Həsən Ruhani  İ bə milləton təşkilati sər asambleya 73 nə iclosədə iştirak kardeyu bə Niyuyurk daxil be.

İroni xarici koon vəzir 100 qılə sə veyə bərnamə mincumlə de xariciyə məğamon  iyən şəxsiyyəton vindımon və muzakirə karde,beynəlxalğə ictimaiuyəton iyən Amerkə təhğiğatiyə mərkəzonədə sıxan karde,məntəğə və beynəlxalğə məsəlonədə can cəhətə icloson və de beynəlxalğ iyən amerkaiyə mediyaon votımon karde ım 2 haftəiyə səfəri bərnamonku bə.

çı muhimmə bərnamonku qıleni niyuyurkədə İron və 4+1 qrupi xarici koon vəziron iclosədə iştirak karde bı.

ım iclosi rəisəti bə Zərif və  Avropa itifaği xariciyə siyasəton məsul şəxs Federika Moqirini qi be.

İron və 4+1 qrupi xarici koon vəziron ım iclosi bəpeştə qıləy mıştərəkə bəyonotdə,atom sazışiku Amerkə xaric beku ıştə təəssufış elan karde və votışe: sanqsiyaon peqəte və ironi bəhrə bə dast omə ixtisadiyə faydonku atom sazışi əsosə məsələ be.

atom sazışi tərəfon ım bəyonotdə,atom sazışiku Amerkə xaric be vədə ıştə təəssufışon elan karde və bəştə doə bə vədəon bəzi məsəlonədə mincumlə de İron ixtisadi zumandə əlağon hifz iyə inkişaf doe,de İron həmkarəti kardeyu maliyə əlağon dəvom doe iyən ironi nat və qazi  ixracati  dəvom pəydo karde həxədə işarəon karde.

Amerkə prezdent Donald Tramp mayə manqi 8 nə ruji atom sazışiku vaşinqtonı xaric beş və atom sanqsiyaon oqardeş elan karde,hərəkəti ki daxili iyən beynəlxalğə səviyədə de ciddiyə məhkumiyət dim bə dim be.