İroni xarici koon vəzir bə Qurcistan daxil bə.

İroni xarici koon vəzir məntəğədə ıştə səfəri dəvomədə bə Tiblisı beynəlxalğə aeroport daxil be və Qurcistanı rəsmi şəxson bə çəy və beşin.

İroni xarici koon vəzir  məntəğədə ıştə səfəri dəvomədə bə Tiblisı beynəlxalğə aeroport daxil be və Qurcistanı rəsmi şəxson bə çəy və beşin.

Bə telerədyo aqentəti xəbon əsosi İroni xarici koon vəzir Muhəmməd Cəvar Zərif Tiblisı aeroportədə votışe:məntəğə məmləkəton yolə rəsmi şəxsonədə  məntəğəei iyən 2 tərəfə həmkoətion inkişaf doeyu  votımonon təşkil bən.

 əv əlavəş karde  məntəğə saxtə şərayeti dəvonedə və tojə şərayetəndə cəhd bəkamon  sulhı zumand kardeku əlavə ixtidasi və tranzitiyə həmkoətion həm ve bıkəmon.

Zərif bə İron İslam Respublika de Qurcistanı məmləkəti çokə rabitə işarəş karde və votışe: de Qurcistan ğədimiyə rabitəmon heste və cəhd kardəmon çokə həmkoətion de ım məmləkət bə inkişafi tərəf bışo.

Zərif  məntəğə məmləkəton miyonədə bə tranzitiyə dəhlizon işarəş karde və votışe: cənub-ğərb dəhliz bə Qurcistan xətm bedə və nəhayətdə bə siyohə dıyo və ətrofədə bıə məmləkəton ro pəydo kardedə və ommidvarimon çı zərfiyətiku məntəğədə həmkoətionru istifadə bıbo.