Qeneral Mayor Cəfəri: ofəyevonəti sahədə cihodiyə mudiriyət çı muvəffəğiyəti əsliyə amile.

İslamiyə inğilabi Sepah Pasdarani sər kamandan votışe İron İslam Respublika de muvəffəğə ulqu icod karde və səmərənin bey karde zınəş be bə co kişvəron subit bıkə ki bə xarıciyə kişvəron vabəstə nıbey holədə həm bəbe bə inkişof rəse.

Bə Telerədio aqentiyəti raporti əsos, İslamiyə inğilabi Sepah Pasdarani sər kamandan qeneral mayor Muhəmməd Əli Cəfəri zinə Xatəmul Ənbiya(s) obdonəkə ğərorqo kanə fərmonə əvəz karde mərosimədə əlovəş do, deşmənon həmə sui-ğəsd və bərnoməon jentonədə ki ijən bə İroni milləti əleyh dəvom kardedə, İron İslam Respublika muxtəlif modi və mənəvi sahəonədə bə inkişofi tərəf hərəkət kardedə.

Qeneral mayor Cəfəri ijən ofəyəvonəti sahədə ko karde çı umo icod kardey sahəonku qıləy fəaliyət zınəş be və təsdiğış kardə: cihodiyə mudiriyət kişvərədə çı muvəffəğiyəti əsliyə amile.

Im mərasimədə qeneral mayor Cəfəri çı Xatəmul Ənbiya(s) obdonəkə ğərorqo kamanda hıkmi bə Səid Muhəmməd təltif karde və de bə qeneral Ebadullah Əbdullahi təğdir lovhə təğdim karde çəy cəhdonku ğədrdonətiş kardə.

Qeneral Əbdullahi 1391 soiku sepah ofəyəvonəti ğərorqo rəis be.