Pəssiv mudafiyə təşkilati rəsmi şəxson de İslamiyə İnğilabi Yolə Rəhbəri vindemon kardeşone. 
https://parstoday.ir/tly/news/iran-i15625-pəssiv_mudafiyə_təşkilati_rəsmi_şəxson_de_İslamiyə_İnğilabi_yolə_rəhbəri_vindemon_kardeşone.
Pəssiv mudafiyə təşkilati rəis iyən rəsmi şəxson zinə nav zıhri de Həzrəte Ayətullah Xamenei vindemon kardeşone. 
(last modified 2025-07-21T08:04:09+00:00 )
Oct 29, 2018 14:39 Asia/Tehran
  • Pəssiv mudafiyə təşkilati rəsmi şəxson de İslamiyə İnğilabi Yolə Rəhbəri vindemon kardeşone. 

Pəssiv mudafiyə təşkilati rəis iyən rəsmi şəxson zinə nav zıhri de Həzrəte Ayətullah Xamenei vindemon kardeşone. 

Bə Yolə Rəhbəri aparati informasia mərkəzi raporti əsos, Həzrəte Ayətullah Xamenei ım vindemonədə de işorə bə deşmənon tojə təhdidon bə pəssiv mudaf əhəmmiyəti təkid kardeşone: deşmənon hıcumi mırəkkəbə metodon vədə, pəssiv mudafiə təşkilat həm bəpe kamelən ağılmənd və ciddi bıbu və bəpe elmi, dəğiğ və tojə iyən həmmə tərəfinə surəti  harcurnə nıfuzi vədə mığobilə bıkə.

İslamiyə İnğilabi Yolə Rəhbər həmmə baxşonədə bıə rəsmi şəxsonku bə pəssiv mudafiə lozimə diğğət doe təsdığ və əlovəşon karde: əqə İroni mudiron ım məsələ əhəmmiyəti dərk nıkon və pəssiv mudafiə mıvzo ləyoğətin inkişof peydo nıkə, İron vey ciddi və cubran nıbıə təhdidon vədə məroz bəmande çən İroni muxtəlifə baxşon məsulon nizomi və ğeyri nizomi baxşon bəpe de pəssiv mudafiə təşkilat komil və lozimə həmkarion əncom bıdən.