Zərif bə Tehron oqardə.
Nov 01, 2018 09:52 Asia/Tehran
İroni xarici koon vəzir ki qıləy yolə heyəti sədrədə bə Pakistan səfərış kardə be de ım məmləkəti siyasi və hərbiyə rəsmi şəxson vindımon və muzakirə karde bəpeştə zinə şanqo bə Tehron oqardə.
Muhəmməd Cəvad Zərif zinə sıb ironi dızdiyə bə sərhəddiyə ğıvvon vəziyyəti təğib kardeyu bə İslam abad daxil be.
Bə Əlaləm xəbon əsosi Muhəmməd Cəvad Zərif İslam abaddə de 1 minnə vəziri Omran Xan, xarici koon vəzir Şah Muhəmməd Ğoreyşi və Pakistani zəminiyə hərbiyə ğıvvə fərmondə Ğəmər Cavid Bacva vindımon və votımonış dəvoniyə.
Zərif və İron oqardeku nav jurnaliston cəmədə ıştə səfəri nəticon barədə votışe: Pakistanı rəsmi şəxson terroristiyə qrupon tərəfo ironi bə qirob qətə bə sərhəddiyə ğıvvon vəziyyəti təğib kardeyu ciddiyə vədəonışon doə.